महामानव डॉ. बाबासाहेब आंबेडकर (Dr. Babasaheb Ambedkar) यांच्या जीवनावर आधारीत डॉ. बाबासाहेब आंबेडकर मालिका लवकरच स्टार प्रवाहवरुन रसिकांच्या भेटीला येत आहे. पु.ल. देशपांडे यांची भूमिका साकारणारा अभिनेता सागर देशमुख (Sagar Deshmukh) या मालिकेत बाबासाहेबांच्या भूमिकेत दिसणार आहे. बाबासाहेबांच्या लूकमधील सागर याची पहिली झलक समोर आल्यानंतर आता मालिकेचं शीर्षकगीत रसिकांच्या भेटीला आलं आहे. लोकप्रिय गायक आदर्श शिंदे आणि उत्कर्ष शिंदे यांच्या संकल्पनेतून हे गीत साकारलं आहे.

आदर्श आणि उत्कर्ष यांच्या लेखणीतून अवतरलेले गीत या दोघांनीच संगीतबद्ध केले आहे. तर आदर्शच्या दमदार आवाजात आपल्याला मालिकेचं टायटल ट्रॅक ऐकायला मिळणार आहे. या गीताची खास झलक आदर्शने इंस्टाग्रामवर शेअर केली आहे.